أسامه ممكن نطرح عليك بعض الأسئلة؟ اتفضل

1. كيف تعرفت على جدورك الليبية؟ كان عندي صحابي امازيغ ويحكولي وبحتث في بلادي كلها لقيت مافيش شي يدل ع ان ككلا عرب وديما نتابع فيك لين تأكدت أن حنا مش عرب.
2. الم تتساءل لماذا ككله ومناطقها ذات أسماء ليبية قحة ولماذا عاداتكم وأكلكم وعمارتكم لا تشبه الخليج؟ اكيد كل شي عندنا ماليشي علاقة بالعرب ياراجل نهدرز ع عربي قولتله ليبيا بي اضيع قالي احنا غانمينها هادا وين تأكدت ان انا مش عربي.
3. ربي يهديهم، هل اعتقدت في بادئ الأمر أن المعلومات التي ننشرها كذب؟ كنت اي حاجة تنشرها انت لازم نتاكد منها قبل ما نصدق او نكدب بس ياخوي لاحضت انك تربط في الإسلام بالعروبة زي ماهما يربطو في العروبة باالاسلام ويبو يحتكرو الدين وهادا الخطا الوحيد، الباقي نشهد بالله انك صادق.
4. هل شعرت بتغيير في حياتك اقصد هل تغيرت نظرتك للحياة وهل تعتبر أن هذا شكل منعطف في حياتك؟ اكيد تغيرت هلباااا، انولدت من جديد
5. حسب ما قرأت أنت ما هو سبب جهل أهل ككله لأصولهم وتاريخ أجدادهم؟ سبب ضياعنا هو اجدادنا ماتمسكوش باصلهم ممكن تعرضوا للخداع واستغلال الدين وظلم واظطهاد ولسياسة ممنهجة يعني مايدوروش زينا حني توا اتقوله تعلم لغتك ايقولك انا عربي هادي لغة كفار وووو هلبا أسباب، اكيد سبب اتبعو العرب وماتبعوش الاسلام بس مازال عندنا في امزير والعموريين وتكبال وجحيش والخزور متمسكين باصلهم وجدورهم الليبيه، وفيه عشرات بدت ترجع لاصلها بعد ما عروفوا تاريخهم.
6. هل تعتقد ان تحول ككله من المذهب الاباضي الى المذهب المالكي كان احد اسباب نسيانهم اصلهم ؟ لا، لان المدهب مدخلاش في التعريب؛ سبب ان اجدادنا نضحك عليهم بالتعريب ع اساس ان العرب بس مسلمين
7. هل تعتقد ان سياسة الأنظمة السابقة كالسنوسيين والقذافيين الناصريين ساهموا في طمس الهوية الليبية وترسيخ التبعيه للخارج بشكل ممنهج ؟ أكيد

هذا اللقاء بننشره في صفحة تاريخ وأصول الليبيين بعد اخد موافقتك شنو رايك ؟

اتفضل ولا يهمك

قام بحواره ايهاب ازطاف

روى البخاري ومسلم حديث أبي ذر أن النبي صلى الله عليه وسلم قال: ليس من رجل ادعى لغير أبيه وهو يعلمه إلا كفر، ومن ادعى قوماً ليس له فيهم نسب فليتبوأ مقعده من النار.

فحي الله اسامة الذي سعى لتطبيق سنة المصطفى ولم يرضى عصيان اوامر الرسول الكريم.